"Ұлттық қордан балаларға" жобасы бойынша түскен қаражатты тексеру үшін kids.enpf.kz сайтының сілтемесіне кіру керек. Сілтемені ашқаннан кейін БЖЗҚ-ның порталы ашылады. Төменгі жақта ЖСН-ді теруге арналған ұяшық орналасқан, мұнда балаңыздың жеке сандық нөмірін енгізесіз. Осылайша, сіз балаңызға қордан ақша түскенін біле аласыз. Әзірге әр балаға 100 АҚШ долларынан (44800 теңге) түсті. Түскен түпкі соманы балаңыз 18 жасқа толғаннан кейін ғана ала аласыз.

Жеті миллионға жуық шот ашылды

Ұлттық банк төрағасы Тимур Сүлейменов бүгін өткен брифингте БЖЗҚ акционерлік қоғамын "Ұлттық қор — балаларға" бағдарламасының операторы екенін, балалардың санын салыстырып тексеретінін айтты.

– Балалар өмірге келеді. Бірі 18 жаста. Бұл Әділет министрлігі мен Азаматтарға арналған үкімет жүргізетін үлкен мәліметтер базасы. Біз салыстыруымыз керек, бізде жүйеге кіретін 6,5-7 миллион бала бар. Қаңтар айының соңына дейін үкімет деңгейіндегі бір заңнама қабылдануы керек. Біз барлық жүйеміз дайын, - деді Сүлейменов.

Ақша алушыларға жеті миллионға жуық шот ашылған. Мәліметтер салыстырылғаннан кейін олар толығымен ашылады. Биыл ақшаны бөлу үшін алдыңғы 18 жылдағы кірістер сомасы алынған. Бұл шамамен 700 млн доллар (316,3 млрд теңге). 2024 жылдан бастап Ұлттық қордан әр балаға 18 жасына дейін әлеуметтік аударым бөлінеді. Ал келесі жылы Үкімет кепілдендірілген трансферт ретінде тағы 3,6 трлн теңге алуды жоспарлап отыр.