Бүгін Жамбыл облысындағы Жуалы ауданында ауа-райының нашарлауына байланысты "Алматы-Ташкент” республикалық маңызы бар жолында  (567 км) жаппай жол-көлік апаты орын алды, деп хабарлайды Arainfo тілшісі Төтенше жағдайлар департаментінің баспасөз қызметіне сілтеме жасап. Жол-көлік апатында жеңіл, жолаушылар автобустары мене жүк машинасы соқтығысқан.. Апат салдарынан Б. Момышұлы аудандық ауруханасына түрлі жарақаттармен 19 адам жеткізілді, оның ішінде 1 бала бар. Сондай-ақ ТЖД күштерімен қысылған адамдарды шығару бойынша авариялық құтқару жұмыстары жүргізілуде. Қаза болғандар тіркелмеген. Қазіргі уақытта Нұрлыкент ауылының” Мәдениет үйі ” жылыту пунктіне 39 адам жеткізілді, оның ішінде 8 бала бар. Облыс аумағында ауа райы жағдайының нашарлауына байланысты департамент базасында жедел штабтың жұмысы ұйымдастырылды. Жедел штаб жұмысына азаматтық қорғау қызметтерінің өкілдері жұмылдырылған. Психологиялық қолдау үшін сенім телефонына байланысуға болады.