Жаңалықтар
Ұялы байланыс операторларына 3 млрд теңгеден астам айыппұл салынды
- author AR-AY
- 15 қаңтар, 2024
- 136
![Ұялы байланыс операторларына 3 млрд теңгеден астам айыппұл салынды](https://arainfo.kz/uploads/resized-images/2024/01/2022_05_20_f477ce558d9ed0c51f8b87fef2a185a6b4d9d221-1193x671-1.jpg)
Ұялы байланыс операторларына 3 млрд теңгеден астам айыппұл салынды
Қазақстандағы ұялы байланыс операторларына 2023 жылдың қорытындысы бойынша байланыс қызметтерін сапасыз көрсеткені үшін 3 миллиард теңгеден астам айыппұл салынды. Бұл туралы Цифрлық даму, инновациялар және аэроғарыш өнеркәсібі министрлігінің баспасөз қызметі хабарлады.
Атап айтқанда, 2023 жылы ведомство 782 тексеру жүргізіп, 3 млрд 288 млн теңге көлемінде айыппұл салған.
Бюджетке заңнамада көзделген жеңілдікті ескере отырып, 1 млрд 644 млн теңге төленді, – делінген хабарламада.Оның ішінде операторлар бойынша:
- Tele2 – 751,4 млн теңге;
- Kcell – 563,2 млн теңге;
- Beeline 329,4 млн теңге төлеген.
Тексерулер жүргізу және айыппұлдарды ұлғайту операторлардың көрсетілетін қызметтердің сапасы үшін жауапкершілігін арттыруға мүмкіндік берді. Мәселен, 2019-2022 жылдар аралығында айыппұлдар өскенге дейінгі кезеңде операторлар ұйғарымдардың тек 33 пайызын орындады. Айыппұлдарды арттыру бойынша жұмыстар жүргізілгеннен кейін, 2023 жылы операторлар нұсқамалардың 65 пайызын орындады, - деді ведомство өкілдері.
Келесі мақала