Таразда 35 жаңа автобус пайдалануға берілді, деп хабарлайды Arainfo тілшісі. Автобустар 7 бағыт бойынша іске қосылады. Атап айтқанда, №60, 38, 55, 17, 23, 30 және 19. Әр автобустың сыйымдылығы 70 адамды құрайды. Аймақ басшысының тапсырмасы бойынша 35 көлік сатып алынды. Бүгін салтанатты жағдайда Жамбыл облысының әкімі Е.Қарашөкеев автопарк жүргізушілеріне жаңа автобустардың кілтін табыс етті. Алдағы күндері №60 бағыт бойынша 5 автобус, №38 бағытқа 10 автобус, №55 бағытқа 5 және №23 бағытқа 2, №17 бағыт бойынша 8 бірлік автобус қатынайтын болады. Ал қалған 5 автобус ескірген JAC автобустарының орнына №30 және №19 бағытта жүретін болады. Осылайша, биылдың өзінде қаланың автобус паркі бүгін келген 35 және жыл басындағы 38 автобусты есепке алғанда 73 автобуспен жаңартыла