2023 жылғы 5 қарашаға белгіленген Жуалы және Т.Рысқұлов аудандары әкімі сайлауына қатысатын кандидаттардың үгіт материалдарына Жамбыл облыстық «AR-AI» газетінде баспа алаңын ұсынудың төлем мөлшері, шарттары: Қазақстан Республикасының «Қазақстан Республикасындағы сайлау туралы» Конституциялық Заңының 28-бабы 3-тармағының талаптарына сәйкес облыстық «AR-AI» газетінің редакциясы сайлауалды үгіт материалдарды көлемі 0,1 баспа табақтан аспайтын мақала түрінде жариялайды. Үгіт материалдарын кандидаттардың өздері дайындайды. Үгіт материалын газетке жариялау үшін тіркелген кандидат немесе оның сенімді өкілі мынадай құжаттар ұсынады: 1. Редакцияға кандидат немесе сенімді өкілдің толық аты-жөні, тіркелу нөмірі, мерзімі, уақыты, сайлау округі толық жазылған, кандидат немесе сенімді өкілдің қолы қойылған жазбаша өтініш береді. 2. Құжаттардың көшірмесі және жеке куәлігі нотариалды бекітіліп берілуі керек. Онда кандидаттың жеке куәлігі және кандидаттық куәлігі, сенімді өкілдің жеке куәлігі және сенімді өкілдігін растайтын куәлігі қоса болуы қажет. Үгіт материалдарын жариялау тәртібі Редакция кандидаттардың үгіт материалдарын жариялау кезектілігін жазбаша өтініштердің келіп түсу ретімен, егер өтініштер бір мезгілде келіп түссе, материалдардың жариялану ретін жеребе бойынша белгілейді. Жазбаша өтініш келіп түскеннен кейін үгіт материалына басылым бетінде тиісті орын берілгені үшін редакция және кандидат мақаланың жариялану ақысын алдын ала төлеу жайында екіжақты келісімшарт жасасады. Үгіт материалы газет бетінде мақаланың толық төлемі редакцияның есепшотына 100 пайыз көлемінде түскеннен кейін барып жарияланады. Сайлау алдындағы үгіт науқаны 2023 жылғы 10 қазанда жергілікті уақыт бойынша сағат 18:00-ден кейін басталып, 2023 жылғы 4 қарашада жергілікті уақыт бойынша 00:00-де аяқталады. Үгіт материалдарын ұсыну тәртібі Кандидат үгіт материалының мәтінін редакцияның жарнама бөліміне «AR-AI» газетінің кезекті саны жарыққа шығардан үш жұмыс күні бұрын ұсынуы тиіс. Материалдың мәтіні қағазға басылып шығарылып, оған кандидат немесе оның сенімді өкілі қол қоюы қажет. Сонымен қатар электронды нұсқасы қоса болуы керек. Берілген мерзімі, уақыты, тіркеу нөмірі көрсетіліп, екі данамен шығарылған материалдың жазбаша нұсқасының біреуі газеттің жарнама бөліміне тіркеліп, екіншісін тапсырыс берушінің өзі алып кетуі тиіс. ҚР «Қазақстан Республикасындағы сайлау туралы» Конституциялық Заңының талаптарына сай келмейтін үгіт мақалалары қабылданбайды. Үгіт материалдарын жариялаудың төлем тәртібі Кандидат немесе оның сенімді өкілі үгіт материалының жариялану құнын 100 пайыз төлейді. Төлемақы, алдын ала келісімшартта қарастырылғандай, редакцияның реквизиті көрсетілген есепшотына аударылуы керек. Қызмет көрсету құны – ішкі беттерде 1 (бір) шаршы сантиметрі 250 (екі жүз елу) теңге ҚҚС-ны қоса алғанда. ПРАЙС-ПАРАҚША 2023 жылғы 5 қарашаға белгіленген Жуалы және Т.Рысқұлов аудандары әкімі сайлауына қатысатын кандидаттардың сайлау алдындағы үгіт материалдарын орналастыру үшін баспа алаңын беру туралы «AULIEATA-MEDIA» жауапкершілігі шектеулі серіктестігі газеттердің меншік иесі: – «Aq jol» (форматы D2; шығу жиілігі аптасына 3 рет: сейсенбі, бейсенбі, сенбі; тілі – қазақ, орыс; бірреттік таралымы 7500 дана); – «Знамя труда» (форматы D2; шығу жиілігі аптасына 3 рет: сейсенбі, бейсенбі, сенбі; тілі – орыс, қазақ; бірреттік таралымы 3 250 дана); – «AR-AI» (форматы D2; шығу жиілігі аптасына 2 рет: cәрсенбі, жұма; тілі – қазақ, орыс; бірреттік таралымы 4 200 дана). Жоғарыда көрсетілген газеттерде материалдарды орналастыру бағасы: – ішкі беттерде 1 (бір) шаршы сантиметрі 250 (екі жүз елу) теңге ҚҚС-ны қоса алғанда. Бас директор О.А.Даутов