Әлеуметтік желілерде және кейбір сайттарда Қазақстан бұған дейін Украинада жұмыс істеп келген 30 америкалық биозертхананы өз аумағына орналастырғаны туралы ақпарат тараған болатын. Ол ақпараттарда Этноұлттық стратегиялар агенттігінің директоры деп көрсетілген Александр Кобринский есімді азаматтың айтуынша, Астана АҚШ-тан экономикалық қолдау көру мақсатында осындай қадамға барыпты-мыс. Ол бұл жағдай тек Ресейге ғана емес, бүкіл Орта Азияға төнген қауіп екенін де айтқан. Алайда еліміздің Денсаулық сақтау министрлігі бұл ақпаратты жоққа шығарды. «Бұл фейк, ҚР аумағында өзге мемлекеттердің биозертханаларын орналастыру жоспарда болмаған және жоспарланып отырған жоқ», деп хабарлады ведомство. Жасұлан Сейілханов