Аймақ басшысы Ербол Қарашөкеев М.Х.Дулати атындағы Тараз өңірлік университетінің Басқарма төрағасы – ректоры Мұхтар Байжұмановпен және Шерхан Мұртаза атындағы Халықаралық Тараз инновациялық институтының президенті Нұржан Муслимовпен кездесті. Кездесуде жоғары оқу орындарының басшылары білім ордаларының жетістіктері мен алдағы жоспарлары туралы баяндады. Тараптар сапалы білім беру, білікті маман даярлау, жатақхана мәселесін шешу, жастарды қолдау, ұрпақ тәрбиесіне қатысты ойларымен бөлісті. Аймақ басшысы жергілікті атқарушы органдар өңірді әлеуметтік-экономикалық дамыту бағытында жоғары оқу орындарымен бірлесе жұмыс істейтіндерін жеткізді. Облыс әкімінің баспасөз қызметі