Облыс әкімі Ербол Қарашөкеев «Adsindustries» компаниясының директоры Сәкен Арапбаевпен кездесті. Тараптар Мемлекет басшысының «Тарифті инвестицияға айырбастау» бағдарламасын іске асыру тапсырмасы шеңберінде ЖЭО-4 жылу электр орталығын қайта құру және кеңейтуге қатысты жобаны талқылады. Кездесу барысында ЖЭО-4 және РК-4 аудандық қазандығы үшін газ генератор стансаларын салу мәселелері де қаралды. Ербол Қарашөкеев Жамбыл облысының жоғары инвестициялық әлеуетіне тоқталып, өзара нәтижелі ынтымақтастықта жұмыс атқаратындарына сенім білдірді. Облыс әкімінің баспасөз қызметі