Бүгін Сортөбе ауылында «Отанды қорғау – азаматтық парыз» тақырыбында округ жастарының ауған соғысы ардагерлерімен кездесуі өтті. Кездесуге Ауған соғысының ардагерлері мен Қордай аудандық Ауған соғысы ардагерлері кеңесінің төрағасы Дәулет Қырғызбаев қатысты. Шараны ашып берген ардагерлер кеңесінің төрағасы Д.Қырғызбаев «Мұндай кездесулер елінің азаматы ретінде, болашақ Отан қорғаушы ретінде ауыл жастарының бойларына рух беріп, Отан алдындағы борышын адал өтеуге ынталандырады», – деп атап өтті. Еркін форматта өткен кездесу барысында ауыл жастары қызықтырған сұрақтарын қоюға мүмкіндік алды. Ардагерлер өз ойларымен бөлісіп, бейбіт өмірді сақтауға, ер азамат ретінде Отанды қорғауға дайын болуға шақырды.