Қаңтар оқиғасы кезінде қылмыскерлердің қолында 1 мыңнан астам қару болған
Қаңтар оқиғасы кезінде қылмыскерлердің қолында 1 мыңнан астам қару болған. Бұл туралы Мәжілістің жалпы отырысында ҚР Ішкі істер министрі Марат Ахметжанов айтты, деп хабарлайды Arainfo тілшісі ҚазАқпарат-қа сілтеме жасап.
«Жалпы, еліміз бойынша қылмыскерлер 2 960 қару-жарақ пен шамамен 63 мың оқ-дәріні ұрлап кеткен. Қазіргі уақытта оларды іздеу қарқынды жүргізіліп жатыр. қылмыстық іс аясындағы жедел іздестіру іс-шарасы барысында 200-ден астам қойма жойылды. Олардан 4 160 қару-жарақ пен 57 мың оқ-дәрі табылды. Бүгінде 964 қару-жарақ қаңтар оқиғасы кезінде ұрланғаны анықталды», - деді министр.
Марат Ахметжановтың дерегінше, 3 196 қару-жарақ, оның ішінде 7 гранатомет, 1 пулемет бойынша тексеру жүргізіліп жатыр.
«Осылайша, қылмыскерлердің қолында 1 мыңнан астам криминалдық қару-жарақ болған. Шабуылдаушылар олдарды қолдануды жоспарлаған», - деді ол.
Ұқсас жаңалықтар
