Кезектен тыс президент сайлауы өтетін күні, яғни 20 қарашада Маңғыстау облысындағы Ақтау қаласы мен Түпқараған және Мұнайлы аудандарында автобуспен жүру тегін болады, деп хабарлайды Arainfo тілшісі ҚазАқпарат-қа сілтеме жасап. «Қала ішінде де, ауданаралық бағыттарда да тегін жол жүру ұйымдастырылады», - дейді Маңғыстау облысы жолаушылар көлігі және автомобиль жолдары басқармасының басшысы Адайбек Қалиев. Бұл – №103, №104, №105, №106, №107, Ақтау-Батыр, Ақтау-Қызыл-Төбе-2, Ақтау-Ақшұқыр, Ақтау-Сайын-Шапағатов және қалалық №2, 3, 4, 4М, 5, 7, 8 бағытындағы автобустар. Қоғамдық көліктер бұл күні әдеттегі кесте бойынша сағат 6:00-ден 20:00-ге дейін қатынайды.