Компания барлық жолаушылардың қауіпсіздігі мен жайлылығын қамтамасыз ету мақсатында қолданыстағы ережелерді қатаң сақтауға шақырады.

Компания мәліметінше, пойыздарда келесі әрекеттерге қатаң түрде тыйым салынады:

билетсіз жүру;

балаларды жеке басын куәландыратын немесе туыстықты дәлелдейтін құжаттарсыз алып жүру;

бір жолаушыға белгіленген 35 келіден асатын багажды алдын ала төлемсіз және рәсімдеусіз тасымалдау;

ветеринариялық құжаттары жоқ жануарларды алып жүру;

пойыз ішінде шылым және электронды темекі шегу;

төтенше жағдайсыз стоп-кранды іске қосу;

есірткі, жарылғыш және өткір заттарды тасымалдау;

агрессия таныту, жанжал шығару;

пойыз қозғалысы кезінде түсу;

вагон мүлкін бүлдіру немесе ластау;

алкогольдік ішімдіктерді тұтыну (мейрамхана-вагоннан басқа жағдайларда).

Ережелерді бұзу жолаушының әкімшілік жауапкершілікке тартылуына немесе жақын маңдағы станцияда пойыздан түсірілуіне әкелуі мүмкін.

Қызмет көрсету сапасына қатысты сұрақтар немесе шағымдар туындаған жағдайда жолаушылар WhatsApp арқылы +7 776 714 5686 нөміріне хабарласа алады, вагон ішіндегі QR-код арқылы операторға тікелей жазуға немесе 1433 нөмірі арқылы тегін анықтама қызметін пайдалануға мүмкіндігі бар.

Аталған талаптар «Теміржол көлігімен жолаушылар, багаж және жүк-багажды тасымалдау қағидаларына» сәйкес бекітілген. Компания пойыз ішіндегі тәртіп пен қауіпсіздік — ортақ жауапкершілік екенін атап өтті.