Бұл туралы ҚР Бас прокуроры Берік Асылов өзінің әлеуметтік желідегі парақшасында жариялады.

Мемлекет пайдасына мемлекеттік қаражатты жұмсау, сатып алу, қоршаған ортаны қорғау, жер қойнауын пайдалану және басқа салаларда 470 млрд теңге көлемінде ақша қаражаты мен мүлік тәркіленді. Сонымен қатар, мемлекеттік мүлікті басқарудың заңдылығын тексеру барысында 193 млрд теңге дивиденд бюджетке қайтарылды.

Алатаудың тау етегіндегі, Каспий теңізі жағасындағы, Бурабай ұлттық паркіндегі олигополияларға тиесілі жерлер және мақсатты түрде пайдаланылмаған 800 мың гектар ауыл шаруашылығы жері мемлекет меншігіне қайтарылды. Нәтижесінде бірқатар өңірлерде жайылым тапшылығы мәселесі шешілді.

«Таза Қазақстан» тұжырымдамасы аясында прокурорлар табиғат пайдаланушылармен келтірілген 25 млрд теңге көлеміндегі экологиялық залалды өндіріп алды. Цифрлық технологиялар мен жасанды интеллект көмегімен 3,8 мыңнан астам заңсыз қоқыс орны жойылды, ал құрылыс салушылармен 300 мыңнан астам жасыл желек отырғызылды.

Мемлекеттік басқарудың тиімділігін арттыру бойынша прокурорлар жергілікті органдардың 255 млрд теңге көлеміндегі қажетсіз шығындарын болдырмады. Павлодар мен Атырауда жоспарланған қымбат сатып алулар тоқтатылып, қаражат әлеуметтік инфрақұрылымды дамытуға бағытталды.

Прокурорлардың өтініштері мен наразылықтары бойынша 300-ден астам азаматтық және әкімшілік іс қайта қаралып, мемлекет пайдасына 22 млрд теңге өндірілді. Оған қоса, қару-жарақ жөндеу жұмыстары бойынша 800 млн теңге мемлекеттік қорғаныс тапсырысына қайтарылды.

Б.Асыловтың айтуынша, прокурорлық қадағалау тиімділігі цифрлық технологиялар мен жасанды интеллект элементтерін енгізу арқылы артқан.