Қазақстанның халық жазушысы, ақын Мұхтар Шахановтың ұлы Қуаныш Мұхтарұлы ұзаққа созылған ауыр дерттен кейін қайтыс болды. Қаралы хабарды жазушы Құдияр Біләл әлеуметтік желіде хабарлады.

«Мұхтар Шаханов ағамыздың ұлы Қуаныш Мұхтарұлы ұзаққа созылған ауыр науқастан кейін дүниеден озды. Иманы саламат болсын!» – деп жазды ол.

Айта кетейік, Мұхтар Шаханов осымен екінші ұлынан айырылып отыр. 2021 жылы оның тағы бір ұлы, Рауан Шаханов, қайтыс болған еді.

Марқұмның жақындары мен отбасына көңіл айтамыз.