Қазақстандық мектептерде бірінші тоқсан аяқталуға жақын. Оқу жылының алғашқы демалысы – күзгі каникул 2025 жылғы 27 қазаннан басталып, 2 қарашаға дейін жалғасады.

Оқушылардың бос уақытын тиімді өткізу және олардың жеке қасиеттерін дамыту мақсатында «Адал азамат» біртұтас тәрбие бағдарламасы аясында арнайы іс-шаралар жоспары дайындалды.

Бағдарлама патриотизм, әділеттілік және жауапкершілік сынды құндылықтарды қалыптастыруға бағытталған. Каникул кезінде келесі іс-шаралар өткізу ұсынылады:

• «Балалар кітапханасы» жобасы аясындағы «Демалыста кітап оқимыз» акциясы;
• «Буллингтен қорған!» атты қауіпсіздік сабағы;
• «Мектеп театрының» жұмысын ұйымдастыру.

Сонымен қатар балалардың қауіпсіздігіне ерекше назар аударылады. Осы мақсатта ата-аналармен бірлесе отырып, жол-көлік жарақаттарының алдын алу, көшеде және үйде қауіпсіздік сақтау, өрт қауіпсіздігі мен киберқауіпсіздік мәселелеріне қатысты түсіндіру жұмыстары жүргізіледі.

Білім беру ұйымдарына бұл іс-шаралар әдістемелік ұсыным ретінде жолданады.