Қазіргі таңда тұтынушыларды орталықтандырылған жылумен қамтамасыз ету кезең-кезеңімен жүргізілуде:

• Бірінші кезеңде — 6 қазаннан бастап білім беру, денсаулық сақтау және әлеуметтік сала нысандары жылумен толық қамтылды.
• Екінші кезеңде — 9-13 қазан аралығында көпқабатты тұрғын үйлер жылу жүйесіне қосылуда.

Қаладағы жылу өндіруші және таратушы мекемелердің мәліметінше:

«Таразтрансэнерго» МКК – 1 165 үйдің 1 153-і қосылды;

«Жамбыл-Жылу» МКК – 177 үйдің 161-і қосылды (қалған үйлер 13 қазан күні толық қосылады);

«София» ЖШС – 10 үйдің барлығы қосылды;

«Т.И.Батуров атындағы Жамбыл ГРЭС-і» АҚ – 55 үйдің барлығы жылумен қамтылды.

Дегенмен, 12 тұрғын үй техникалық себептерге байланысты әзірге жылуға қосылмаған. Олардың ішінде:

Төле би даңғылы, 9А – элеватор торабының клапан ұрттары кептелген;

Аққозиев көшесі, 5 – пәтерде жөндеу жұмыстары жүріп жатыр;

Ш.Мұртаза көшесі, 18 – пәтерде жөндеу жұмыстары жүргізілуде;

Төле би көшесі, 43 – пәтер ішінде құбыр жарылған;

Қазыбек би көшесі, 140 – шатырдағы құбыр желісі жарылған;

Жүнісалиев көшесі, 36 – элеватор торабының лай ұстағышы жарылған;

Абай даңғылы, 161 – клапан ұрттары кептелген;

Абай даңғылы, 129 – шатырдағы құбыр желісі жарылған;

«Самал» ықшамауданы, 7 – элеватор торабының лай ұстағышы жарылған;

Тоңқұрыш көшесі, 8 – элеватор торабының лай ұстағышы жарылған;

Телецентр, 2 – қосу жұмыстары 13 қазан күні жүргізіледі;

Жамбыл даңғылы, 9А – пәтерде жөндеу жұмыстары жүргізілуде.

Қала әкімдігі мен коммуналдық қызметтер барлық ақауларды жою жұмыстарын жүргізіп жатыр. Кемшіліктер толық түзетілгеннен кейін бұл үйлер де орталық жылу жүйесіне қосылады.