Іс-шараның негізгі мақсаты – сотталғандардың сын сағаттардағы логикалық ойлау қабілетін дамыту, өзін-өзі танып-білуге және сенімді қарым-қатынас орнату дағдыларына қол жеткізу.

Ойын барысында қатысушылар өз ойларын дәлелдеуді, өзгелерді сендіруді, сондай-ақ командамен жұмыс жасауды үйренді. Ойыннан кейін жүргізілген талқылау барысында қатысушылар ойынның эмоционалдық шиеленісті азайтуға көмектескенін, өздерін тыныш әрі сенімді сезінгендерін атап өтті.

Психологтардың айтуынша, ойын терапиясы – тұлғаның жасырын ресурстарын ашуға, күйзеліс деңгейін төмендетуге және жаңа мінез-құлық үлгілерін қауіпсіз ортада дамытуға мүмкіндік беретін тиімді әдістердің бірі.

Аталған шара түзеу мекемесінде жүргізіліп жатқан психологиялық оңалту жұмыстарының бір бөлігі болып табылады.