Қазақстандық спортшы Максим Мейірлан 90 келіге дейінгі салмақ дәрежесінде қола медаль жеңіп алды. Қола медаль үшін өткен белдесуде ол тәжікстандық Умид Раджабовты жеңді.

Айта кетейік, дәл осы салмақта Ермахан Әнуарбеков те қола медаль үшін күресті. Алайда ол жапониялық Комей Кавабатаға жол берді.

Осылайша, Қазақстан құрамасының қоржынында төрт қола медаль бар. Бұған дейін Ғалия Тынбаева (48 келіге дейін), Шерзод Давлатов (60 келіге дейін) және Бақыт Құсақбаева (57 келіге дейін) қола жүлде еншілеген болатын.