Yeni Şafak басылымының мәліметінше, алдымен Силиври жағалауында магнитудасы 3,9 болатын жер сілкінісі тіркелген. Кейін дәл сол өңірде қуаты 6,2-ге жеткен екінші сілкініс болған. Ол шамамен 10 секундқа созылды. Қазіргі таңда зардап шеккендер туралы ресми ақпарат жоқ.

Еуропа-Жерорта теңізі сейсмологиялық орталығының (EMSC) деректеріне сүйенсек, жерасты дүмпуі жергілікті уақытпен 12:49-да, Силиври қаласынан оңтүстікке қарай 26 шақырым қашықтықта, Мәрмәр теңізінің астында тіркелген.

Бұдан бөлек, сол аймақта тағы екі жер сілкінісі болған – магнитудалары 5,0 және 5,3. Бұл дүмпулер Ыстамбұлдың бірқатар ауданында сезілген.