Mydrivers ресурсының мәлімдеуінше, жоба әлемде алғаш рет іске қосылған 50G PON технологиясына негізделген.

10G интернетін енгізу үшін оптикалық желі архитектурасы жаңартылып, нәтижесінде бір қолданушыға арналған өткізу қабілеті дәстүрлі гигабиттік деңгейден 10G деңгейіне дейін артты. Сонымен қатар, желідегі кідіріс миллисекундтарға дейін азайған. Хабарланғандай, жүктеу жылдамдығы 9834 Мбит/с, ал дерек жіберу жылдамдығы 1008 Мбит/с деңгейіне жеткен.

10G желісі — жоғары сапалы 8K бейне, бұлтты қызметтер, толықтырылған және виртуалды шындық сияқты үлкен өткізу қабілетін қажет ететін заманауи қосымшаларды дамытуда маңызды рөл атқарады.

Fast Technology порталының деректеріне сүйенсек, Қытайда 1 миллиардтан астам 5G пайдаланушысы бар. Ел бойынша 18 мыңнан астам 5G+ инфрақұрылымдық жоба жүзеге асырылуда, олардың қатарында өнеркәсіпке бағытталған жобалар да бар. Ал 10G желілерін дамыту аясында 168 пилоттық жобаға қаржы бөлінген.