Біз жанбасақ лапылдап,
Аспан қалай ашылмақ...

Arainfo.kz - жастарға арналған басылым

Байланыс

Оңалту орталығындағы емдік кабинеттер

Оңалту орталығындағы емдік кабинеттер
gov.kz
Арнайы 8 бағыт бойынша қызмет көрсететін оңалту орталығы 2008 жылы А.Асқаров көшесінің бойынан ашылған екен. Алайда ерекше жандардың жыл санап көбеюіне байланысты ол жерде орын тапшылығы сезілген. Жаңа орынға 2023 жылдың күзінде көшіп келіпті. Су жаңа нысанға келгелі қызмет көрсету аясы да кеңіп, жаңа құрал-жабдықтармен, медициналық аппараттармен толығып, төсектік орын саны да көбейген.

150 орындық бірінші және екінші топ мүгедектеріне арналған әлеуметтік орталықта 14 емдік бөлме, 5 жаттығу бөлмесі жұмыс жасайды. Физио емдеу, электрмен емдеу, инелі рефлекссотерапия, озакерит-парафинмен емдеу, галокамера, жарықпен емдеу бар. Ол аз десеңіз театр студиясы, кітапхана, зейнетақы, жәрдемақы алуға көмек, заңды кеңес беру, хат жазу мен жолдау бәрі үйретіледі. Оңалтудан жыл сайын мың мүгедектігі бар адам өтеді екен.

— Оңалту орталығында қызмет алушыларға барынша жағдай жасалған. Емдік бөлмелерде бағасы он миллионнан асқан гидрованналар, ең қымбат аппараттар бар. Тұзды шахта жұмыс істеп тұр. Емдік жаттығу бөлмелерінде шведтік БТЛ аппараттары тұр. Бұл аппарат 11 функция атқарады. Ең қымбат құрылғы егзоскелет аппараты да бізде. Ол дегеніміз мүгедек адамның жағдайын көрсетін аппарат. Арбаға таңылған адамды тұрғызып, отырғызып, аяқ-қолын созып, жаттығу жасатады.  Бізге түскенде қандай еді, ем біткенде немесе он күнде қандай дәрежеге жетті осыны көрсететін аппаратты біз мақтанышпен айтамыз, — дейді Роза Сабырқұлова атты аға медбике.

Орталықты аралатып, таныстырып, мән-жайды айтып жүрген де осы аға медбике. Оның қарамағында 33 медицина, 80 техникалық қызметкер бар. Мекеменің тазалығына, құрал-жабдықтар мен аппараттар, кадрлар, бейнебақылау, қойма ісі, бәріне осы кісі жауапты. Келесі кезіктіргеніміз Сәуле Мұратова болды. Ол медбике. Апаратпен массаж жасап жатыр екен. Өзі жаңадан жұмысқа кірсе де ептілігімен көзге түсіп жүр. Емделушілерге түрлі құрылғылармен емдік уқалау жүргізеді екен. Серғазы Аманқұл – бірінші жаттығу бөлмесінің тренері. Ол жаңа құрылғы БТЛ апаратының шебері. Аппаратты бізге таныстырды. Шын мәнінде бір өзінде бір аттың күшіндей салмағы бар құрылғы бірнеше тәсілмен адам емдейді екен. Артрит, артроз сынды небір ауруды емдеудің шебері деседі. Басқа да, аяққа да түрлі емі бар. 2021 жылдан бері осында жұмыс істеп жүрген маманның сөзі тиянақты, ісі де жылдам екен.

AR-AY
Автор

AR-AY

Arainfo.kz жастар газеті

Ұқсас жаңалықтар