Қазақстан футбол федерациясының құрылымында кадрлық өзгерістер орын алды. Атқарушы комитеттің шешімімен Давид Лория ҚФФ-ның бас хатшысы қызметіне тағайындалды. Бұл туралы ұйымның ресми хабарламасында айтылды.

Давид Григорьевич – Қазақстан ұлттық құрамасының бұрынғы ойыншысы, УЕФА-ның MIP бағдарламасының түлегі. Қазіргі таңда ол Астана қалалық мәслихатының депутаты және "Құрмет" орденінің иегері.

Айта кетейік, биылғы қаңтар айында Давид Лория Қазақстан футбол федерациясының вице-президенті қызметіне тағайындалған болатын.