Кеше «AMANAT» партиясы облыстық филиалының мобильді қоғамдық қабылдауы Жамбыл ауданында өтті. Іс-шараға қоғамдық қабылдау бөлмесінің меңгерушісі Үміт Ибраимова мен партиялық бақылау жөніндегі инспектор Ерғали Омаров пен аудан әкімдігінің бөлім басшылары, аудандық мәслихат депутаттары қатысты.
Қоғамдық қабылдау алдымен 13 мыңнан аса тұрғыны бар Аса ауылында ұйымдастырылды. Елді мекен тұрғындары қоғамдық қабылдауда ойынқұмарлық, нашақорлыққа қарсы заңды күшейту туралы ұсыныстарын жеткізді. Сондай-ақ, жұмыспен қамту, жеңілдетілген несие алу туралы сұрақтарын қойды.
Келесі кезекте қоғамдық қабылдау Қаракемер ауылында жалғасын тапты. Мұнда ауыл тұрғындары жарық бағаналарын ауыстыру, ауылішілік арық-атыздарды қалпына келтіру, тұрғын үй салу мақсатында жер телімін алу сынды мәселелерді көтерді. Оларды шешу бойынша құзырлы орган өкілдері заң аясында жауаптар берді. Сонымен қатар, әлеуметтік жағдайлары бойынша да сұрақтар жолдап, шешу жолдарына қанықты.
«AR-AI»-ақпарат
Алдыңғы мақала
Келесі мақала
Қауіпті ауруға жаңаша әдіспен ота жасалды
Ұқсас жаңалықтар
