Біз жанбасақ лапылдап,
Аспан қалай ашылмақ...

Arainfo.kz - жастарға арналған басылым

Байланыс

Әдемілігі мен әдебі жарасқан Әдемі

Әдемілігі мен әдебі жарасқан Әдемі
Ашық Дереккөз
Жуырда Тараз қаласындағы Ықылас Дүкенұлы атындағы мәдениет үйінде дәстүрлі «Үкілі ару» облыстық сұлулық байқауының финалдық кезеңі өтті. Шерхан Мұртаза атындағы Халықаралық Тараз университетінің бастамасымен сұлулық сайысы биыл оныншы рет өткізіліп отыр. Жарысқа қатысуға 17 ару ниет білдіргенімен, ақтық сынға 10 қыз жолдама алды.

«Үкілі ару» сайысы қызықты әрі тартысты өтті. Қатысушылар өнерін көрсетіп қана қоймай, білімін де сынға салды. Бірі аспаздық шеберлігін паш етсе, бірі актерлік қабілетін көрсетті, енді бірі мың бұрала би биледі.

Ал қазылар алқасының құрамында «AULIEATA-MEDIA» жауапкершілігі шектеулі серіктестігінің Бас директоры Данияр Асқарұлы, педагогика ғылымдарының докторы, «Аналар алқасының» төрайымы Жанат Сарыбекова, белгілі блогер Гүлдана Атабаева және профессор, PhD доктор Жұлдыз Саурықова болды.

Байқау нәтижесі бойынша бас жүлдені М.Х.Дулати атындағы Тараз университетінің 3-курс студенті Әдемі Бақберген жеңіп алды. Бірінші орын Шерхан Мұртаза атындағы Халықаралық Тараз университетінің 1-курс студенті Нұрай Досманбетке бұйырды. Екінші орынды М.Х.Дулати атындағы Тараз университетінің 2-курс студенті Аяулым Ермек иеленді. Үшінші орынға Қазақ ұлттық су шаруашылығы және ирригация университетінің 4-курс студенті Мерей Нұрлан мен Абай атындағы Жамбыл гуманитарлық жоғары колледжінің 2-курс студенті Айгерім Мұрзалы лайық деп танылды.

Сонымен қатар, бірқатар арулар арнайы номинацияларға ие болды. Атап айтқанда, Қаратау технология, білім және бизнес колледжінің студенті Гүлбану Рамазанова «Инабатты ару», Тараз сервис және технология колледжінің студенті Альвина Абенова «Күлімкөз ару», Жамбыл жоғары медициналық колледжінің студенті Нұрилә Жайлау «Әдемі қыз», Шерхан Мұртаза атындағы Халықаралық Тараз университетінің студенті Назерке Жолдас «Ажарлы қыз», Гүлсезім Жаманбай «Шырайлы қыз» номинацияларымен марапатталды.

Марапаттау рәсімінде жеңімпаздарға арнайы сыйлықтарды Шерхан Мұртаза атындағы Халықаралық Тараз университетінің ректоры Махметғали Сарыбеков табыс етті.

Анар ӘУЕСБЕК,
М.Х.Дулати атындағы Тараз
университетінің 4-курс студенті

AR-AY
Автор

AR-AY

Arainfo.kz жастар газеті

Ұқсас жаңалықтар