Мемлекет басшысы Қасым-Жомарт Тоқаев Ұлттық құрылтайдың төртінші отырысында сөйлеген сөзінде: «Заң мен тәртіп – біздің мызғымас тұғырымыз. Бұл, ең алдымен, еліміздің әр азаматына және барша халқымызға ортақ тәртіп.
Ал біздің идеологиямыз – қарапайым әрі түсінікті. Бұл – жаһандағы аса күрделі геосаяси ахуалда елімізді жаңа даму деңгейіне көтеру үшін берік негіз қалау деген сөз.
Мемлекетіміздің тағдыры мен ұлтымыздың берекелі өмірі осыған тікелей байланысты» деп атап өтіп, таяу жылдарда атқарылуы тиіс маңызды міндеттерге тоқталды.
Расында да заң мен тәртіп сақталмаған жерде табысты тірліктің болмайтындығы ақиқат. Әділетті қоғам қалыптастыру үшін құқықтық сауаттылықты арттырудың маңызы зор. Бұл тұрғыда облыстық әділет департаменті тарапынан да жүйелі жұмыстар атқарылып келеді.
Өткен жылы халықтың құқықтық мәдениет деңгейін арттыру, заң көмегін көрсету, азаматтарды құқықтық оқыту және өз құқықтары бойынша ақпараттандырылған азаматтардың санын арттыру мақсатында 1540 іс-шара ұйымдастырылды. Оның ішінде 40 «дөңгелек үстел» жиыны, 262 семинар-тренинг, 2 баспасөз конференциясы, 2 брифинг өткіліді. 112 ақпараттық топтардың кездесулері мен әділет органдары қызметінің негізгі ережелерін түсіндіру бойынша 78 «Ашық есік күні» ұйымдастырылды. Сонымен қатар бұқаралық ақпарат құралдарында, электрондық басылымдарда 134, мемлекеттік органның интернет-ресурсында 484 мақала жарияланып, телеарнада мен радиода сұхбаттар берілді.
Әрбір адамның қорғануға құқылы екені белгілі. Бірақ, барлығының бірдей адвокат, нотариус немесе өзге құқықтық қорғау субъектісін жалдауға мүмкіндігі бола бермейді. Бұндай жағдайда азаматтарға мемлекет кепілдік берген заң көмегі ұсынылады. Яғни, бюджет есебінен заңды көмек көрсетілетін болады. Былтыр облыс аумағында мемлекет кепілдік берген заң көмегін 18898 азамат алды.
Бұл бағыттағы жұмыстар алдағы уақытта да жалғасын таба береді.
Нұрғали Андасов,
облыстық әділет
департаментінің басшысы
Алдыңғы мақала
Келесі мақала
Көтерілген мәселелер көптің көкейіндегісін дөп басты
Ұқсас жаңалықтар
