Экология және табиғи ресурстар министрі Ерлан Нысанбаевтың айтуынша, 11 наурыздағы жағдай бойынша ел аумағының 71%-ын қар басқан. Оңтүстік пен батыста қар еріп жатыр, ал орталық, солтүстік, шығыста қар әлі қалың. Наурыз-сәуір айларында температураның көтерілуі мен жауын-шашынның артуы су тасқыны қаупін күшейтеді.

Министрдің сөзінше, тасқын қауіпі жоғары аймақтар мыналар: Ақтөбе, Қостанай, Ұлытау, Абай, Қарағанды, Ақмола, СҚО, ШҚО.

Орташа қауіп аймақтары: Алматы, Жетісу, Жамбыл, БҚО, Атырау.

Төмен қауіп аймақтары: Павлодар, Маңғыстау, Түркістан, Қызылорда.

Айта кетейік, наурызда жауын-шашын нормадан 2 есе көп түседі деп болжануда, бұл көктемгі тасқын қаупін арттыруы мүмкін.