21 ақпанда павлодарлық кәсіпкер Асулан Нұрмағамбетов Торайғыров көшесі, 1/3 мекенжайынан көлігімен белгісіз бағытқа кетіп, қайта оралмаған. Туыстарының айтуынша, ол ешқашан ескертусіз жоғалып кетпейтін, ал еріктілер оның бизнеспен айналысатынын жеткізді.

Асуланды іздеуге полиция, еріктілер және жақындары жұмылдырылды.

"Іздестіру іс-шаралары барысында бұрын хабар-ошарсыз кеткен азаматтың мәйіті табылды. Аталған дерек бойынша Қылмыстық кодекстің 'Кісі өлтіру' бабы бойынша іс қозғалды. Қылмысқа қатысы бар адамды анықтау және ұстау үшін жедел-тергеу шаралары жүргізілуде", — деп хабарлады Павлодар облыстық полиция департаменті.

Тергеу барысында оқиғаның себептері мен мән-жайлары анықталатын болады.