Қазақстандықтар орташа есеппен қанша табыс табатыны белгілі болды
- author AR-AY
- 11 ақпан, 2025
- 77

2024 жылдың IV тоқсанында Қазақстандағы орташа айлық атаулы жалақы 434 982 теңгені құрады, бұл 2023 жылғы тиісті тоқсанға қарағанда 10,5%-ға жоғары. Нақты мәнде жалақының өсуі 1,8% құрады. Медианалық жалақы 308 717 теңге деңгейінде болды.
Жалақының ең жоғары өсімі ақпарат және байланыс саласында байқалды – 32,8%. Сонымен қатар, ауыл, орман және балық шаруашылығы (22,7%) мен жылжымайтын мүлікпен операциялар (20,3%) салаларында да айтарлықтай өсу тіркелді. Денсаулық сақтау мен білім беру салаларында жалақы өсімі тиісінше 7,6% және 5% болды.
Өңірлер бойынша ең үлкен жалақы өсімі Алматы мен Шымкентте байқалды – 13,6%, ал Қарағанды облысында 13,2%, Солтүстік Қазақстан облысында 12,9% және Ақтөбе облысында 12,6% өсті.
2024 жылғы IV тоқсанда жалақының ең жоғары және ең төменгі мәні арасындағы арақатынас 2,1 есеге дейін жетті.
Елімізде баспана бағасы 4 пайызға қымбаттады
Ұқсас жаңалықтар
«Ауыл аманаты» бағдарламасы ауыл тұрғындарының әл-ауқатын арттырады
- авторAR-AY
- 27 наурыз, 2025