Маңғыстау облысы денсаулық сақтау басқармасының мәлімдеуінше, оқиға 31 қаңтарда сағат 20:13-те болған. Жаңаөзен қаласының "Қызылсай" ауылынан жедел жәрдем қызметіне іш ауыруы бойынша тұрғындардан шақырту түскен. Дәрігерлер 37 адамды қарап шығып, олардың 4-еуі ауруханаға жатқызылды, оның ішінде 1 ересек адам және 3 бала бар. Қалған 33 адамға амбулаториялық емделу ұсынылып, үйлеріне жіберілді.

Қазіргі таңда балабақша жабық, ал уәкілетті органдар жағдайды тексеру жүргізуде.