Құқық қорғау органдарында қызмет ететін әрбір жан – қырағы болуы тиіс. Сондай-ақ, жеке құрам қызметкерлері кез келген жағдайда шұғыл әрекет ете білуі керек. Бұл – ант қабылдаған азаматтарға қойылатын басты талап. Өйткені, Ішкі істер органдарына артылар сенім жүгі ауыр.

Бүгін өңірлік Қылмыстық-атқару жүйесі департаментіне бағынысты қауіпсіздігі барынша төмен №26 түзеу мекемесінде жеке құрамның арнайы сөмкелері тексерілді.Мекеме басшылығы қызметкерлердің төтенше жағдайға әзірлігін пысықтап, ҚАЖ қызметкеріне қажетті заттардың олардың сөмкелерінде бар екендігіне көз жеткізді. Өз кезегінде арнайы контингент өкілдерімен тікелей жұмыс істейтін жеке құрамның барлық жағдайға тас түйін дайын екені белгілі болды.