Кездесудің басты мақсаты – Бақтияр Артаевқа Вэл Баркер Кубогын табыстау болды. Бұл кубок Олимпиада ойындарындағы үздік боксшыға берілетін өте құрметті жүлде.

Қазақстан бокс федерациясының баспасөз қызметінің мәліметінше, 2004 жылғы Афина Олимпиадасында 1-ші орташа салмақта (69 кг дейін) чемпион атанған Бақтияр Артаев осы жарыстың ең үздік былғары қолғап шебері болып танылды және Вэл Баркер Кубогын жеңіп алды. Алайда, бірнеше жыл бұрын Артаев өз кубогын халықаралық ұйымға тапсырып, оның қайтарылуы мәселесі шешілмеген болатын. Қазақстан бокс федерациясы әлемдік спорттағы аса құнды жәдігер саналатын бұл жүлдені қайтару үшін нақты қадамдар жасады. Бүгінгі күнде, Вэл Баркер Кубогы өз иесі Бақтияр Артаевқа қайта табысталды.

Айта кету керек, Вэл Баркер Кубогын 1996 жылғы Атланта Олимпиадасында жартылай орташа салмақта (81 кг) жеңіске жеткен Василий Жиров да жеңіп алған болатын. Ал 2012 жылы Лондон Олимпиадасында Серік Сәпиев те бұл кубокқа лайық деп танылған.