«Бұл күндері белгілі актрисаның қайтыс болуы туралы тағы бір өте қайғылы хабарды өкінішпен хабарлаймыз. Барбара Рыльска бүгін кешке 89 жасында өмірден өтті», – деп 11 қаңтарда Польша театрының актерлер ассоциациясы мәлімдеді. Қайғылы хабарды Польша сахна актерлері ассоциациясының президенті Кшиштоф Шустер және актриса өмірінің соңында байланыста болған «Квадрат» театрының өкілі Магдалена Залевска «Онет» басылымына растады.

Барбара Рыльска 1936 жылдың 20 қаңтарында Варшавада дүниеге келген. Ол Варшава драмалық өнер академиясын тәмамдап, актерлік мансабын Варшава комедия театрында бастаған. Кейіннен Варшава Людов театрында өнер көрсетіп, 2013 жылға дейін «Квадрат» театрының құрамында болды.

Рыльска кеңінен танымал болған туындыларына «Квартиранты», «Особняк на Зеленой», «Адам и Ева», «Разыскиваемый, разыскиваемая», «Юлия, Анна, Геновефа» сияқты фильмдер кіреді. Сонымен қатар ол әнші ретінде де танымал болды. Барбара Рыльска поляк Марлен Дитрихі деп аталып, ерекше өнерімен көпшіліктің жүрегін жаулап алды.