Ризабек Айтмұқан мен АҚШ-тың Олимпиада чемпионы Кайл Снайдер арасындағы белдесу өтеді деп күтілуде. Бұл туралы Кәсіпқой күрес лигасының (PWL) Instagram-парақшасында хабарланды. Қазіргі уақытта тараптар келіссөздер жүргізіп жатыр.

Ризабек соңғы рет Таразда өткен турнирдің жартылай финалында америкалық Джонатан Айеллоға 9:12 есебімен жеңіліп, үшінші орын алған болатын.Кайл Снайдер ақпан айында Алматыда өтетін PWL-8 турниріне қатысады. Екеуінің белдесуі осы жарыс аясында болуы мүмкін.

Кайл Снайдер – 2016 жылғы Олимпиада ойындарының алтынын және 2020 жылы Токиода өткен ойындардың күмісін 97 кг салмақ дәрежесінде жеңіп алған әйгілі америкалық спортшы.