Мемлекет басшысы Қазақстанның Шығанақтағы басты серіктестерінің бірі ретінде Біріккен Араб Әмірліктерінің (БАӘ) экономикасының қарқынды дамып келе жатқанын және халықаралық қауымдастықта жоғары беделге ие екенін атап өтті. Шейх Мұхаммед бен Заид Әл Нахаянның басшылығымен БАӘ-нің одан әрі өркендей беруіне тілектестік білдірді.

Сонымен қатар, Президент Қазақстан мен БАӘ арасындағы ынтымақтастықтың қос халықтың игілігі үшін одан әрі нығаятынына сенімді екенін жеткізді.