Ағайынды Александр мен Дмитрий Монастырскийлер өздері оқыған №28 Әлия Молдағұлова атындағы орта мектебінің аумағындағы №20 дауыс беру учаскелеріне келіп таңдау жасады.

«Біз бүгін бірінші рет кәмелетке толған азамат ретінде таңдау жасау құқығына ие болдық. Бұл біз үшін үлкен мәртебе. Былтыр ғана түлек ретінде қанат қаққан алтын ұямызға дауыс беруші ретінде қайта оралдық»,-дейді ағайынды Монастырскийлер.

Жамбыл облыстық аумақтық референдум комиссиясының мәліметіне сәйкес,референдум комиссиялары өздеріне жүктелген міндеттерге байланысты, референдумға қатысуға құқығы бар азаматтарды тізіммен таныстыру, оларды нақтылау және оларға  дауыс беру күні, уақыты, орны туралы хабардар ету бойынша қажетті шаралар қабылдады.