Рухани ойлауы терең, мәдениетті, парасатты, ар - ожданы таза, еңбекқор ұрпақты тәрбиелеу, зағип отбасының жағымды имиджін қалыптастыру, отбасылық құндылықтар мен дәстүрлерді насихаттау және кітапханаға оқырмандарды тарту мақсатында ұйымдастырылған тағылымдық іс-шара өз деңгейінде өтті.

Байқауға Меркі ауданынан Тұрымбетовтер отбасы. Байзақ ауданынан Мухатовтар отбасы, Тараз қаласынан Алтыбай және Есимовтер қатысты.

Сайыстың ережесіне сәйкес барлық  отбасылар бес кезең бойынша бақтарын сынады. Байқау соңында  шақыртылған қонақтар сөз алып, өз ойларымен бөлісе келе жеңімпаз отбасыларды атады. Байқауында І  орынды жеңіп алып, үздік отбасы атанған  Есимовтер жанұясы, ІІ  орынды иеленген  Тұрымбетовтер болса,  ІІІ  орынды Мұхатовтар жеңіп алды. Ал, Алтыбай отбасы сайысқа қатысқаны үшін ыңталандыру марапатына ие болды.

Марапаттау рәсімінде жеңімпаздар мен қатысушыларға кітапхана тарапынан алғыс хаттары мен бағалы  сыйлықтар табыс етілді. 

Аталған байқауға демеушілік жасап, өтілуіне қолдау көрсеткен  Тараз қаласы әкімдігінің ішкі саясат бөлімі «Жастар ресурстық орталығы» коммуналдық мемлекеттік мекемесі болды.