Орта салмақта бұрынғы әлем чемпионы, қазақстандық танымал боксшы Геннадий Головкин 2025 жылы кәсіпқой рингке қайта оралуы мүмкін. boxingnews.com сайтының хабарлауынша, саударабиялық бокс спортының инвесторы Турки Аль аш-Шейх Геннадий Головкинге рингке оралуға ұсыныс жасаған.
Басылымның жазуынша, Головкинге рингке оралғаны үшін жақсы ақша уәде етілген. Сондай-ақ ол 2025 жылдың алғашқы жартысында төрт салмақта әлем чемпионы Теренс Кроуфордпен жұдырықтасуы керек.Жекпе-жек туралы ақпарат бокс жанкүйерлерін елең еткізді. Ықтимал айқас Теренс Кроуфордтың мексикалық боксшы Сауль Альварес арасындағы жекпе-жек алдындағы дайындығы болмақ. Себебі америкалық боксшы Альвареспен 168 фунд салмағында бокстасады.
Ал Головкин оның орта салмақтағы (160 фунд) алғашқы қарсыласы және Альвареспен 3 рет қолғап түйістірген.Ал отандасымыз Геннадий Головкин «Los Angeles Times» басылымына берген сұхбатында ыңғайлы мүмкіндік туындап жатса, шаршы алаңға қайта оралуы мүмкін екенін айтқан.Айта кетейік, Теренс Кроуфорд соңғы жекпе-жегін 3 тамыз күні өзбекстандық Исраил Мадримовқа қарсы өткізіп, супер жартылай орта салмақта WBO нұсқасы бойынша әлем чемпионы атанған болатын.
AR-AI АҚПАРАТ
Алдыңғы мақала
Ұқсас жаңалықтар
