«Мен Елдосты жеңісімен құттықтаймын. Ол финалда мен сыйлаған кимононы киіп шығып, чемпион атанды. Қазақ елі, алғашқы алтын жүлде құтты болсын. Біз Елдос екеуміз татамиде қарсылас болсақ та, өмірде доспыз. Оған деген құрметім ерекше.

Ол Қазақстанның ең танымал спортшыларының бірі екенін білемін. Елдос – мықты спортшы. Париж Олимпиадасында Қазақстан қоржыны жүлдеге тола берсін», – деді жапониялық атақты спортшы.

Елдос Сметов пен Такато Наохиса Рио және Токиода өткен Олимпиада ойындарында жеңіс тұғырынан бірге көрінген. Отандасымыз 2016 жылы Риода күміс жүлдегер атанса, жапониялық дзюдошы қола жүлдеге қол жеткізген. Ал, Токиода Такато чемпион болса, Елдос қола медальға иелік етті.

Талғат Нұрханов