Тренинг барысында мекеме психологы Айгерім Саурбаева сотты болғандарға тақырып аясында бейнероликтер көрсетіп, тиісті сұхбаттар жүргізді. Сондай-ақ, бұл күні арнайы контингент өкілдеріне өздерін мазалаған сұрақтарға толыққанды жауап алуға мүмкіндік берілді.

- Жалпы, сотталғандардың түзеу мекемесінің психологтары тарапынан психологиялық көмек алуға құқығы бар. Мекемеде жазасын өтеушілердің қатысуымен түрлі психологиялық бағыттағы шаралар жиі өткізіліп тұрады. Бұл сотты болғандар үшін оң нәтиже береді деп сенеміз, - дейді сотталғандар арасында тәрбие және әлеуметтік-психологиялық жұмысын ұйымдастыру бөлімінің бастығы, әділет майоры Мадияр Маханов.

Айта кетейік, бүгінгі таңда қауіпсіздігі барынша төмен аталған мекемеде 100-ден астам азамат жазасын өтеп жатыр.