![Қазақстанда жалақыға дейін қарыз алушылар көбейген](https://arainfo.kz/uploads/resized-images/2024/01/image_l-2.jpg)
Қазақстанда жалақыға дейін қарыз алушылар көбейген
Өткен жылы елімізде жалақыға дейін қарыз алғандар көбейген. Қарыз алушылардың басым бөлігі 40 жасқа дейінгі азаматтар.
Бірінші кредиттік бюроның талдау орталығы FCB Media Day конференциясын өткізіп, 2023 жылдағы несиелеу нарығының қорытындысын жариялады. Компанияның мәліметінше, былтыр елде ипотекалық несиелеу баяулап, қарыз беру көлемі жылына 17,3 пайызға (1,8 триллион теңгеге дейін), ал беру саны 19,2 пайызға (116,6 мың бірлікке дейін) төмендеген.
– Бір жыл ішінде ипотека алғандардың шамамен бестен бір бөлігі – жастар. Қарыз алушылардың үлесі бір жыл ішінде 30 жасқа дейін өзгерді. Бір жыл ішінде берудің медианалық сомасы 13 миллион теңгені, ал орташа сома бойынша 15 миллион теңгені құрады, – деп хабарлады бюро.
Айта кетейік, 1 қаңтардағы жағдай бойынша Қазақстанда ипотекалық несиелер портфелі 5,8 триллион теңгені құрады, бұл өткен жылмен салыстырғанда 11,3 пайызға жоғары. Алайда бұл соманың 61 пайызын алдыңғы екі жылдағы жаңа несиелер құрайды.
Ипотекалық несиемен қатар, қазақстандықтардан несие карталарына деген сұраныс азая бастаған. Мәселен, 2022 жылмен салыстырғанда несиелік карталарды берудің жалпы сомасы 32,2 пайызға, яғни 192,4 миллиард теңгеге дейін қысқарған. Есесіне автонесиелеу рекордтық көрсеткіштерге жеткен.
– 2022 жылмен салыстырғанда берілген қарыздардың жалпы сомасы екі есеге жуық, дәлірек айтқанда 81,5 пайызға, яғни 1,6 триллион теңгеге дейін өсті. Бұрын-соңды болмаған жоғары қарқын қарыз алушылардың белсенділігінің артуына байланысты қалыптасты, – деп толықтырды Бірінші кредиттік бюро.
Өткен жылдың қорытындысы бойынша, берілген несиелер саны 208,4 мың бірлікті құраған. Жалпы автонесиелер портфелі 2,5 триллион теңге сомасында қалыптасты. Бұл өткен жылмен салыстырғанда 64,8 пайызға артық. Сонымен қатар елімізде жалақыға дейін онлайн қарыз рәсімдеу көрсеткіші артқаны белгілі болды. Бұл жерде мәселе 45 күнге дейін 50 АЕК мөлшеріне дейін (2023 жылы – 172,5 мың теңгеге дейін) берілетін шағын несиелер туралы айтылып отыр.
– Берілген сома жылына бірден 102,6 пайызға – 790 миллиард теңгеге дейін, беру саны 72,5 пайызға, яғни 13 миллион бірлікке дейін ұлғайды. Жыл ішінде берудің медианалық сомасы 50 мың теңгені құрады. Бір жыл ішінде берілген көлемнің көп бөлігі 40 жасқа дейінгі адамдарға тиесілі, – деді бюрода.
Айта кету керек, онлайн қарыз алушылармен бірге қарызды беруші ұйымдардың қатары да көбейген. Егер 2021 жылдың 1 қаңтарында олардың саны 44 болса, 2024 жылы 79-ға жеткен.
Келесі мақала