ҚР Сыбайлас жемқорлыққа қарсы іс-қимыл агенттігінің облыс бойынша департаменті «Адалдыққа бір қадам» акциясын бастады. Акция Жамбыл ауданынан басталып, бір апта бойы аймақтағы шалғай ауылдардың тұрғындарының назарына 1424 call-орталығы туралы хабарландыру, әдістемелік және заңгерлік көмек көрсету, қоғамдық бақылау және сыбайлас жемқорлыққа қарсы мәдениет қалыптастыру бағытында жұмыстар жүргізілді. Қазіргі таңда акция Талас ауданында жалғасын тауып, жыл соңына дейін барлық ауданды қамту көзделуде. Акцияны іске асыру үшін Қазақстан Республикасының Сыбайлас жемқорлыққа қарсы іс-қимыл агенттігінің облыс бойынша департаменті және аудан әкімі бекіткен 15 тар­мақтан көзделген іс-ша­ра­­лар жоспарына сәйкес жұмыс атқарылды. Шара барысында ауданның барлық ауылдық округтерінде сыбай­лас жемқорлыққа қарсы баннерлер орнатылды. Халық көп шоғырланатын орындарда 17 іс-шара ұйымдастырылып, 1000-ға жуық адамға сыбай­лас жемқорлыққа қарсы жадынама материалдары таратылды. Аудандық, ауылдық дең­гейдегі 36 «WhatsApp» чаттарға бейнероликтер мен таратпа материалдары жолданып, 5 500-ден аса адам қамтылды. Сондай-ақ 25 сауда орталығы мен дүкендердегі тауар өнімдеріне 3000 стикер жабыстырылып, олардың кіреберістеріне тиісін­ше жадынамалар орна­лас­тырылды. Аудан тұрғындарын мәде­ниеттілік пен тазалыққа ша­қыру мақсатында «Тазалық пен адалдық – адамдықтың қасиеті» акциясы аясында волентерлер аула тазалау жұмыстарын ұйымдастырып, іс-шараға 30-ға жуық тұрғын белсенді қатысты. Облыс орталығынан бар­ған заңгер-волонтерлер халық көп шоғырланған орындарда 20-дан аса тұрғынға заңна­малық кеңестер беріп, тү­сін­діру жұмыстарын жүргізді. Сондай-ақ іс-шараға бюд­жеттік мекеме қыз­метшілері қатысып, өздерінің әлеуметтік желілердегі парақшаларында 61 ақпарат жариялады. Аудандағы 43 мекеменің кіреберістеріне және ғимарат ішіндегі көрнекі орындарда 1424 call-орталығы туралы жадынама орналастырылды. ҚР Сыбайлас жемқор­лыққа қарсы іс-қимыл агент­ті­гінің облыс бойынша де­пар­та­ментінің превенция басқармасының бас мама­ны Айбек Әжібаевтың ай­туынша, бір аптада Жамбыл ауданында 12 000-нан ас­там аудан тұрғынына ақпа­рат­тандыру жұмыстары жүргізілген. – Жоспар шеңберінде департамент өкілдері, білім, денсаулық сақтау, спорт, мәдениет саласының мамандарымен кездесу, ал «Бизнеске жол» жобасы аясында ауданның кәсіпкерлерін қабылдау жүргізді. Акция аясында аудан тұрғындары арасында сыбайлас жемқорлыққа қарсы әлеуметтік сауалнама жүргізіліп, оған 912 адам қатысты. Сауалнама қорытындысымен денсаулық сақтау саласында 217 респондент, білім саласында 153 респондент, және әлеуметтік қамсыздандыру саласында 101 респондент сыбайлас жемқорлық жиі кездеседі деп көрсеткен. Жұмыстың нәтижесі және әлеуметтік сауалнама қорытындысы аудан әкімі жанындағы ведомствоаралық комиссия отырысында қаралып, нәтижесі бойынша департаментпен бірнеше хаттамалық тапсырма берілді, – деді Айбек Әжібаев.