Спортпен шұғылданатын ерекше қажеттіліктері бар адамдардың саны соңғы 3 жылда 25,3 пайызға өскен. Егер 2020 жылы 38 352 болса, 2023 жылдың басында бұл көрсеткіш 51 325 адамға жеткен. Спортпен шұғылданатын мүгедектігі бар адамдардың саны бойынша Қостанай облысы көш бастап тұр. Атал­ған аймақта ерекше қажет­ті­лік­тері бар 5 687 адам спортпен тұрақ­ты түрде айналысады екен. Одан кейін Шығыс Қазақстан облысы (4 997 адам) және Астана қаласы (4 514 адам) тұр. Үздік бестікті Түркістан (4 298 адам) және Жамбыл (4 057 адам) облыстары түйіндеген. Айта кетелік, ең қарқынды өсім елордада тіркеліпті. 3 жыл ішінде ерекше қажет­тіліктері бар спортпен шұғыл­да­ну­шы­лар­дың саны 3 232 адамға көбейген. Екінші орында – ШҚО (+1 585 адам), үшінші орында – Қостанай облысы (+1 295 адам). Сондай-ақ Жамбыл облысында 668 адамға, Түркістанда 659 адамға артқан. «Ерекше қажеттіліктері бар адамдардың денешы­нық­тырумен айналысуына жағдай жасамай, бұқаралық спортты дамыту мүмкін емес. Қазақстанда ерекше қажет­ті­лік­тері бар адамдарға арналған 15 спорт клубы мен 3 мектеп, сондай-ақ Алматы облысында спортты дамыту дирекциясы жұмыс істейді. Біз спорттық инфрақұрылымды қолжетімді етуге ниеттіміз. Сондықтан қазір еліміздің барлық өңірінде 113 жаңадан спорт нысанын салу бойынша жұмыс жүріп жатыр», деді Мәдениет және спорт вице-министрі Сәрсен Құранбек.