Ашық НҚА порталында «Мәдениет және спорт министрлігінің кейбір мәселелері туралы» Үкімет қаулысы талқыға шығарылды. Құжатта атап көрсетілгендей, Мәдениет және спорт министрлігіне қосымша мына қызметтер беріледі: - мәдениет мәселелері бойынша тұрақты жұмыс істейтін комиссия құрып, ережені бекітіп береді; - мәдениет саласындағы мемлекеттік стипендия беру қағидаларын бекітеді; - архив және кітапхана ісі, геральдика салаларындағы ұлттық және халықаралық конкурстар мен фестивальдарды, сыйлықтар мен жүлделерді тағайындайды; - халықаралық  жарыстардың чемпиондары мен жүлдегерлеріне, жаттықтырушыларға және спорт түрлері бойынша Қазақстан ұлттық құрама командаларының мүшелеріне ақшалай көтермелеудің мөлшерін бекітеді; - бюджеттік жоспарлау жөніндегі уәкілетті органмен келісу бойынша ел аумағында болатын республикалық, облыстық және халықаралық спорттық жарыстарын медальдармен қамтамасыз ету нормаларын бекітеді; - Республикалық ономастикалық комиссия құрады; - Кинемотография саласындағы мемлекеттік қолдау мәселелері жөніндегі ведомствоаралық комиссия жасақтайды; - туристік қызмет саласындағы ғылыми қамтамасыз етудің мемлекеттік жүйесін құрады; - лотерея операторын және оған лоторея өткізу құқығын беру мерзімін айқындайды. Үкімет қаулысы 20 маусымға дейін көпшілік талқылауда болады. Осыдан кейін қол қою үшін премьер-министрге жолданады.