Жуырда Энергетика министрі болып тағайындалған Алмасадам Сәтқалиев ант берді, деп хабарлады Halyq Uni тілшісі. «Қазақстан халқы мен Президентінің алдында бар күш-жігерім мен білімімді Отанымның гүлденуі жолында жұмсауға, мемлекеттің Конституциясы мен заңдарын бұлжытпай сақтауға, Қазақстан халқына адал қызмет етуге салтанатты түрде ант етемін», - деді министр Үкімет отырысында. Премьер-министр Әлихан Смайылов Алмасадам Сәтқалиевқа жұмысына сәттілік тіледі. Еске салайық, Алмасадам Сәтқалиев 2021-2023 жылдары «Самұрық-Қазына» қорын басқарды. Бұған дейін Энергетика министрі қызметін атқарған Болат Ақшолақов президенттің кеңесшісі лауазымына тағайындалды. Ал, Болат Ақшолақов 2022 жылдың қаңтарынан бастап Энергетика министрі лауазымын атқарды.