Латвияның астанасы Рига қаласында дзюдодан ересектер арасында Еуропа кубогы шымылдығын түрген болатын. Жарыста әлемнің 24 елінен келген 190-ға жуық татами шебері күш сынасуда. Бәсекенің алғашқы күндері Қазақстан ұлттық құрамасы үшін сәтті басталды. Ел құрамасы сапында 66 келі салмақ дәрежесінде сынға түскен жерлесіміз Нұрзат Сәлімбаев бабында екенін тағы дәлелдеді. Алайда Нұрзат ақтық бәсекеге дейін алқынбай жеткенімен финалдық белдесуде қарсыласына есе жіберіп, Еуропа кубогының күміс жүлдесін қанжығалады.