Студент сабақ болмас үшін жарылғыш туралы жалған хабар таратқан, деп хабарлайды Arainfo тілшісі Polisia.kz-ке сілтеме жасап. Алматыда Жүргенов атындағы Өнер академиясы колледжінің кәмелетке толмаған студенті ұсталды. Ол оқу орнында жарылғыш бары туралы бірнеше рет жалған хабарлама жасаған. Айыпты бұл ісін оқуда үлгермегендіктен, сабақты тоқтату үшін жасағанын айтты. Студент терроризм туралы көрінеу жалған ақпарат таратқаны үшін бес жылға дейін түрмеге кесілуі мүмкін.