Жуалы ауданының Б. Момышұлы ауылында Кеңес Одағының Батыры, Халық қаһарманы Бауыржан Момышұлының 115 жылдығына арналған мемориалдық тақтаның ашылуы өтті. Іс-шара Тараз гарнизонының тау қорықшылары жеке полкі орналасқан жерде ұйымдастырылды.

Салтанатты жиында Қорғаныс ведомствосының басшысы, авиация генерал-лейтенанты Дәурен Қосанов мемориалдық тақтаны ашты. Іс-шараға полк басшылығы, жеке құрамы, шақырылған қонақтар және Қарулы күштердің ардагерлері қатысты.

Қорғаныс министрі Бауыржан Момышұлының батырлық жолы туралы айтып, оның Жамбыл облысының Әлішер Қырықбайұлы, Әуесбай Көмекбайұлы, Әмір Жаңабайұлы, Мақсат Тұрарұлы, Мұхит Балмағамбетұлы, Тілеужан Қуатжанұлы және Мақсат Құрманғазыұлы сияқты батырларымен мақтана алатынын атап өтті. Министрдің сөзінше, бұл батырлар – өз халқына адал қызмет еткен, Отан қорғаған нағыз патриоттар, ал Қазақстандықтар ержүрек жауынгерлер мен Бауыржан Момышұлының ерлігін ешқашан ұмытпайды.

Еске сала кетейік, 2025 жылдың 25 желтоқсанында Президент Қасым-Жомарт Тоқаевтың Жарлығымен Бауыржан Момышұлы қайтыс болғаннан кейін Халық қаһарманы атағын алды. Батырға ерекше айырым белгі – Алтын Жұлдыз бен «Отан» ордені тапсырылды, бұл халықтың батырдың ерлігіне деген зор құрметін көрсетеді.