Мойынқұм ауданында автомобиль жолдары мен елді мекен көшелерінің жалпы ұзындығы 984, 6 шақырымды құрайды. Оның ішінде республикалық маңызы бар жолдар – 342 шақырым, облыстық – 271,6, аудандық – 158,2 және елді мекен көшелері – 212, 8 шақырым.
2025 жылы жол саласына барлығы 390,6 миллион теңге бөлініп отыр. Оның ішінде облыстық бюджеттен – 128,0 миллион теңге, аудандық бюджеттен – 262,6 миллион теңге қаралды.
Бөлінген қаржы есебінен елді мекен көшелерінің 7,743 шақырымына орташа жөндеу жұмыстары жүргізілді. Жыл ішінде барлығы 9 жол жөндеу жобасы іске асырылмақ. Солардың бірі – "Ауыл – ел бесігі" жобасы аясында Биназар ауылындағы Жайлаубек көшесін жөндеу жобасы. Аталған жоба шеңберінде ұзындығы 1,1 шақырымды құрайтын көше жолына орташа жөндеу жұмыстары жүргізілді. Жобаның жылпы құны – 49,3 миллион теңге. Қаржыландыру республикалық және аудандық бюджеттен қарастырылады.
Бүгінде құрылыс-монтаж жұмыстары толық аяқталып, жол пайдалануға берілді. Жоба ауыл тұрғындарының өмір сапасын арттыруға, көлік қатынасын жақстартуға және ауылішлік инфрақұрылымды дамытуға бағытталған нақты істердің бірі болып отыр.
Алдыңғы мақала
Келесі мақала
Шудағы мәселелер шешімін табады
Ұқсас жаңалықтар
