Бұл туралы Көлік министрлігің баспасөз қызметі мәлімдеді.

«Бұл – Қазақстанның көлік инфрақұрылымы үшін маңызды оқиға. Еліміздегі алғашқы тоннель. Бүгін ашылғаннан кейін негізгі көлік ағыны Шақпақ Баба елді-мекенінің айналма жолына бағытталды. Бұл елді-мекеннің ішіндегі жол қауіпсіздігін арттыруға септігін тигізбек. Сонымен қатар нысан қыста жүргізушілердің Шақпақ баба асуында қар құрсауында қалып қоймауына мүмкіндік береді», - деп атап өтті вице-министр.

Нысанда қауіпсіздікті қамтамасыз ету үшін төмендегідей жүйелер қарастырылған:

Жедел қызметтермен байланысуға арналған таксофондар;

Жол жәшіктері;

Бейнебақылау камералары;

Өрт дабылдары;

Люминесцентті шамдар;

Апаттық шығу;

Жарық қайтарғыш элементтер;

Өрт сөндіру жүйесі;

Өрт сөндіру резервуарлары;

Нысанды тастардың құлауынан қорғайтын құмды бассейндер;

Ақпараттық тақта және т. б.