Жаңалықтар
Президент Қазақстан халқын Рамазан айының басталуымен құттықтады
- author AR-AY
- 11 наурыз, 2024
- 139
![Президент Қазақстан халқын Рамазан айының басталуымен құттықтады](https://arainfo.kz/uploads/resized-images/2024/03/74578f78-52d4-4cbe-ac29-d54757b7ebef.jpeg)
Президент Қазақстан халқын Рамазан айының басталуымен құттықтады
Мемлекет басшысы Қасым-Жомарт Тоқаев Қазақстан халқын Рамазан айының басталуымен құттықтады, деп хабарлайды Arainfo тілшісі Ақордаға сілтеме жасап.
Қымбатты отандастар! Сіздерді Рамазан айының басталуымен құттықтаймын! Халқымыз үшін Қасиетті оразаның мән-маңызы айрықша. Бұл – қоғамда имандылық, адалдық, жанашырлық, мейірімділік сияқты мызғымас құндылықтарға барынша мән берілетін кезең. Бүкіл мұсылман қауымының ынтымағы артып, бір-біріне бауырмалдығы айқын көрінетін мезгіл. Ораза айы рухани тазаруға, мұқтаж жандарға көмек қолын созып, қайырымдылық жасауға үндейді. Сол арқылы барша адамзаттың береке-бірлігі нығая түсуіне ықпал етеді. Дін мен дәстүр сабақтастығын берік ұстанатын ел татулығын, тұрақтылығы мен тыныштығын сақтап, кез келген сын-қатерден сүрінбей өте алады. Мен Қазақстан халқының әрдайым рухани үндестікте өмір сүріп, болашаққа нық қадам басатынына сенемін. Ораза қабыл болсын! Баршаңызға зор денсаулық, амандық, толайым табыс тілеймін! - деп жазды Президент.
(Сурет ашықдереккөзден алынды)
Келесі мақала